燒鵝都要配給

一號風球，融融細"雨"

無啦啦(不知何故)，又刮起一號風？但係天文台又話唔會掛三號波！ :(

鏡鏡來電，Never倆口子和Tiger相約大戰，賽後，特地跑去Never擾攘多時，嚷著要品嘗的"魚記"燒鵝。

一抵步，當然要叫招牌菜燒鵝啦！點知受到禽流感影響，連燒鵝也要配給，以人頭比例計算如二至四位為例牌等，不設外賣，真係勢估唔到食燒鵝都要配給！

凍特門神

秋意盈盈，點解成卅二度咁熱o既？亞公話齋，唔通爭秋奪暑！

啱啱睇完無記，一個奧運節目，佢地話瀋陽的市民，為迎接協辦北京奧運，於是，全民響應學英語，但用的就係中文拼音，好"死為名"就係"Swimming"，同埋"凍特門神"就係"Don't Mentions"，這令我想起，小時候看通勝教英文，"溫吐飛"，就係one two three。

呢排好有食神，噚日，同完美艷親王等食晚飯，今晚，又同咪嘈兄farewell，不過，今次係shopping小隊同埋亞士汀做搞手，係去出卡啦個篤篤食盤菜呀。

飲茶二合一

火災危險警告，日又廿九度夜又廿九度，Short-short 地！

咪嘈兄離別在即，話哂做佢亞頭的我，梗係要同佢Farewell一吓啦！時席中秋時份，又好順便咁，連同其下三個部門的同事一齊做節嘞！

地點方面，梗係揀山卡啦商場間酒樓啦！

我部門的同事，除咗我同淑子外，冇錯係全男班，仲要係物流小隊，你話幾有"食力"！係一輪狂風掃落葉抵下，廿幾籠點心同埋幾碟嘢，清場！ 最搞笑係，食完要先安排食煙仔的同事走先(上電是也)，跟住啲唔食煙的同事，就同我一架車返廠，繼續開工！

今晚，約咗美艷親王同埋小企鵝一干人等，好似話唱K喎...希望，可以早些回家休息啦，事關家陣都幾攰下。

:-) 25-year-old! Happy Birthday

火災危險警告，天氣漸漸乾燥，但咁夜仲廿九度喎！

今日，睇報紙先知，原來呢兩個網絡常用的表情符號 - :-) :-(，係由美國一位教授 Scott Fahlman設計，已經面世廿五年咁耐啦！Happy Birthday！ :)

今天，秘書仔做東，請我同積茜嘉食Lunch，唔講唔知，原來積茜嘉同Reception哥哥，都係同一日生日，真係"橋"。

Anyway，秘書仔 多謝你的Lunch，請我哋呢班九月之星吔飯！ :)

The Venetian Hotel - Shopping Mall

The Venetian Hotel - Casino

油露餃

火災危險警告，無啦啦又去番卅二度!

唔知道，噚晚係咪瞓得唔係幾好，今朝起身有啲唔舒服，仲有少少拉肚子！

一清早，秘書仔打嚟約食飯，點知Reception哥哥出咗Trip，睇嚟呢餐生日飯都幾難齊人吓。

由於，身體唔舒服，結果外賣叫粥食。 點知，落到Canteen，柔柔今日親手泡製呢個家郷-油露餃，再加埋秘製醃菜蒜香黑醋，真係好正。 :p''''

當兩個處女座再加一個金牛座

恢濛濛的驟雨天

處女座友人，本相約Donald Duck在地鐵站交收，看一看錶見有點時間，就去珈啡店溜溜，坐下時才發現，大家已和另一伴過早餐，仲要話點解唔早啲出聲，可以一齊食吖嘛...以為總是以為嘛...女仕們就是這樣，哈！

一坐下，啤喱吧啦說不停，還CALL埋金牛座友人加入研討會，點知隻金牛座"盪失路"(迷途)，一坐低又係咁講，"點解唔早啲出聲，可以一齊食吖嘛"，完全"番鹼"，哈！

當兩個處女座再加一個金牛座，話題總離不開屋企、伴侶、財政同埋健康，總知講吓講吓，結果講咗成三粒幾粒，又唔駛食嘢，都咪話唔搞嘢！

最搞笑係金牛座話，食咗早餐連飲嘢錢都慳番，齋坐吖唔該，點知乜都仔細睇的處女座發現，原來信用咭會送多杯飲品，咁金牛座就覺得，唔駛錢又有好味的咖啡飲，梗係冇問題啦！

其實，倆個處女座會覺得，間中一次偷閒，梗係要點杯價錢合適，又好味的飲品啦！

如果佢哋唔係要趕住返屋企交人，可以講到天光都仲得呀！

最緊要威威 - 出埃及記 Exodus

陰陰天

話咁快又到週末，正午時份約鏡鏡去睇"出埃及記"，鏡鏡話係佢前面，有好多上咗年紀的單身男子買飛入場，正當佢滿腹狐疑之際，原來，班男子是捧溫碧霞姐姐場(可能有些香艷鏡頭關係)。

其實，"出埃及記"個故事構思係幾好，但係太過則重係感情線上，但係有少少手高眼底，過多解釋/描述邵美褀同劉心攸的經歷同關係(咪畫公仔畫出腸)，個人認為，如果可以係任達華追查奇怪案件一事上，加多些懸疑佈局，令到邵美褀/邵美褀/張家輝/溫碧霞的四人關係梗加神秘，那便令到結局同海報所帶到同一訊息了。

實在，有少少浪費咗個故事。

晚上，便是今晚重點節目，鏡鏡個媽咪生日，當然要列席捧場啦！

鏡鏡個媽咪同我亞公一樣，都係一啲舊派的老人家，過時過節牛一等，一定要到家中附近的街坊酒樓食番餐，他們的理由並不是好食唔好食，服務好定唔好，最緊要有Gimmick，可以有機會係眾街坊面前威番下，如果碰唔到相熟，都可以係平時有番啲話題。

最搞笑的係，佢為了可以同人哋講個仔請佢食飯，一開波就派封利是俾鏡鏡，話明要佢請，最多遲啲佢請番飲茶，唉，一眾老人家的心事。 (^.^)

"裝完"大韓風"莊園"

又來一個悶熱的週四

今早，原訂開內部的一個例會，但係亞老闆突然徵用會議室，結果呢! 梗係要改期啦!

查實，當天早上十分多事情跟進，不開會也罷。跟著午飯約咗KAKA去食"禾文"，仲用埋"低B Else"咭埋單，結果仲有雪糕送添。 :P'''''''

晚上，約了羊羊、Big-bird、大猫卡和番姐，去有小韓國之稱金巴利街的韓國餐廳 ─ 莊園。

點知，臨收工時，秘書仔突然殺出，話老闆明早開會，要最Update個份Report，結果呢，梗係要做埋先閃。原本約咗七點十五分等，攪 到七點半先係公司走！ 嗚奶！

好彩趕到去都唔太遲，由番姐親手BBQ的燒烤，特別好味！我仲吔咗幾碟芽菜，真係好鬼正！

饞嘴會

充滿秋風送爽的週二

話咁快又一個月啦，我哋呢個"為食兵團" - 典泥兄、咪嘈兄同易圜，今次，我哋去咗一間專食海鮮的舖仔食Lunch，其實，呢間食肆的Lunch Set都幾高貴吓，但係以食咁樣的食物水平就算OK。

好次今日咁，有芝士龍蝦焗伊麵、鮮蟹肉燴伊麵、清蒸龍躉首尾配白飯、鮑片元貝海鮮飯...連一杯餐飲，都係四十八蚊一客，加五蚊就有好味龍蝦湯。連平日唔多食嘢的咪嘈兄，都食足全程，你就知有幾咁好味啦。

聽典泥兄講，呢間舖仲有好多冷門食物外賣，好似咖啡蟹...聽都未聽過。

晚上，爛賭妹請我食飯，地點係意粉屋，原來佢入咗會，唔掛之得，一定要我去啦! :p''''

The Venetian - Sands - Wynn - Star World

陰天，涼涼地，好啱旅遊。

話明休孖Days，梗係要玩吓啦！

係鏡鏡的安排下，坐著十一時半的船過大海是也！過得大海，梗係要搵下濠江鴨仔一族啦！

一落船，我哋去咗巷仔食雲吞同埋鳯爪，仲飲咗杯奶茶添，後尾同老闆娘講開，原來老闆係前兩三年前已經先遊。從始此，就少了一位用心去做雲吞的師傅啦， 味道只能在回憶中！

呢兩日除去參觀咗幾間賭場外，我同鴨仔去拉老虎機，仲中咗一個Mini-Jackpot，雖然錢唔多，但係中咗己經好開心。

到晚飯時間，收到一個長途電話，原來係Reception哥哥一家四口，Book咗Venetian Hotel，但係佢話人山人海，於我地臨時改行程，去咗氹仔食晚飯，鴨仔仲收到一位葡國小朋友送的氣球。 ^_^

翌日，我們便到傳說中的The Venetian 參觀，那座酒店連商場和賭場，真的很漂亮很華麗，但係只係開咗五分一都冇，如果全面開啟，我想得兩日也未必行得哂！好誇張！

最衰掛住走，漏底咗部相機係鴨仔度，所以，啲相要遲些才能公開啦！

又到週五，休孖Days！

記憶中，晚上灑了幾滴雨！

今日，都唔知邊位"茂利"，居然安排兩間VIP公司，蒞臨山卡啦工廠，每次貴賓到訪，例必洗太平地，兼且要被問長問短，等VIP多啲了解工廠運作，從而增強合作基礎。

但係呢，我呢位工廠妹，因為，牽涉到三個部門，於是乎好似以前一個廣告咁，魯陳聯婚二三四樓，走到腳仔都軟埋。

好彩Lunch Hour，約咗產品工程部孖寶，太興燒味同明星酒家一齊食飯，吹下水減下壓，查實呢兩位孖寶真係好難約下。

夜晚，去咗有小泰國之稱的九龍城，食泰國菜，我梗係點咗我喜歡的咖喱蝦包，同埋貴妃曲，聽完Coins呻世界難撈之後，原來已經成十點幾。

不過，要在此多謝太興燒味同Coins請食飯，仲有咪嘈兄，係週四請我食壽司。

各位，我返嚟啦!

嘩咁夜仲有廿九度，秋風盈盈！

哈，自從上週三Update過後，一直未有時間匯報小妹行蹤。

今日，終於能夠早一點回家，乖乖地寫下我的旮旯啦。 qq(^,^)pp

最好的生日禮物

雨中慢步，廿六度的晚上

今年牛一，過得也蠻悏意，皆因老闆出差，放工時間較有把握，前幾日好努力加班，可按時完成手上幾份REPORT!

今晚，可以準時下班赴會，順道坐火車到紅磚頭，領取文件後，就急急腳到餐廳應約，抵達時鏡鏡已點了飲品給我了。

愉快地吃過晚餐後，和鏡鏡慢步至地鐵站，剛巧下著微雨，打算去坐車，但時間尚早，那就偷閒看一看手袋和銀包，反正，有此需要。

最終，被格仔牌吸引著，即時扑鎚買了個，雖然，價錢是貴了一點，就當作奬勵自己吧，這是我自己買給自己的第一份生日禮物。

除了禮物外，還收到許多好友的送上祝福，有人記得自己，當然是最好的生日禮物。

額手稱慶

廿六度，放工時落雨落到咩咁樣!

啱啱過了子夜，就踏入我的生辰，哈哈!

今年，收第一份生日禮物，係鏡鏡送的。

第一個祝賀係Madam，第一個收的Message係吉吉嫂一家三口，第一個約我食飯係Coins，第一個要改期食飯，居然係秘書C，佢同Receiption哥哥一樣，生日日子跟我好相近‧‧‧‧‧‧

不過，今年生日就有點特別，因為工作關係，我唔可以約啲friend係生日之前慶祝，全部都要係月中，月頭要趕Report嘛! 人在江湖...... >,<

不會說不的 "BU"

下雨天



原本，約好吉吉嫂一家三口，到西貢吃海鮮，順道慶賀我同吉吉嫂的牛一之喜，點知下晝落雨，吉吉嫂通知改地點，去咗坑口村。

主角之一，梗係俾佢亞囝 - 小狗亞BU，搶哂鏡啦!

亞BU成晩黐實佢亞爸，自己有櫈又唔坐，又識得扭爸爸計，叫佢俾零食佢吔，好攪笑! 連鏡鏡都幾鍾意佢!

後來佢地一家三口，送我同鏡鏡到車站時，忽然間，亞BU唔知做乜，行行吓停咗係度，但係又冇嘢係前面，於是，我地鼓勵佢向前行，咁佢又昂首闊步。 :)

希望，我同吉吉嫂約定，下次一定帶它來探我!

MOL界之 - 肥呈回歸

陰天

MI-MO王，肥呈終於放完暑假，今日我信守承諾，帶肥呈去食炸雞脾，然後，打道回府取埋佢啲小熊維記，再去埋佢屋企，吃晚餐當farewell，當日，肥呈很開心，希望佢能夠早日學成歸來啦!

Message to Seven

Hi Seven,

You can click the pics for normal size (enlarge) to download it or print it our. It seems BB quite funny & cuties.

Please let me know after get. I will delete from my blog asap.

Waiting for your confirmation (by email)!

Thx,

Donald Duck :)