順風車 – 老闆真係好人呀!!

好猛太陽呀!!

話說 Donald Duck 的職業為工廠妹一名，工廠係山卡啦咁遠(位於偏遠的地區)，相對於，由細到大都係九龍人的我，每日都深入不毛咁返工。

工廠附近，除咗工廠同工廠之外，都係工廠，完全冇食肆，平時出入就係坐的士、巴士同小巴(計程車、公共汔車和小型公共汔車)。

但係講到食晏O既黃金一小時，就梗係的出的入啦(坐計程車出入是也)，但係每逄週一同埋週五，草蜢(綠的)十分缺貨，絶對有客冇車。平時，我會Call架相熟車接載，點知亞強哥今日冇開工，落到街邊，搵架車睇下都冇，一邊行一邊截，眨下眼已經等咗十五分鐘，越行越遠，又囇又徬徨。 =_=;;;

就係呢個時候，我同同事講，如果等唔到的士，但係見到老闆架車行過的話，都要試下截老闆架車...哈哈。實情只係講下笑啫!!

點知就係度亞Q緊的時候，老闆架車真係路過噃!! 奇蹟呀奇蹟呀!!

老闆真係好好人，主動停車接截埋我地出去食飯，食完飯仲叫秘書仔，打電話問我地一唔一齊走，連回程都關顧埋我地，老闆貴為GM，都全無架子，真係好人，超讚!!