聘請的要求

25C 78% 有點雨粉

於週日，為祝賀咪嘈兄的牛一，約了這位快一年沒見的老友，碰碰面聚聚首。

席間我們提及，現在的工作環境及經濟狀況甚艱難，許多公司為求抵禦這嚴峻的寒冬，紛紛推出抗寒招數，像我們這些打工仔，必受到一定程度的影響。

但好可惜，係呢個打工仔市場上，還有許多"都唔知返工為何物"的年輕人，例如：

1. 唔幫老闆聽電話，仲要望吓老闆點解，自己唔跑埋位聽電話？

2. 返工望放工，分多少少工作，問多兩句，就發脾氣? 但係由你的上司發問喎！

3. 請假的理由是：A. 我唔高興你話我 B. 我/男(女)朋友生日 C. 總知你唔俾我放假去玩，我就放病假......

4. 交付的工作： A. 記得就俾你啦 B. 吓，乜係要我做咩 C. 唔關我事，一字記之曰 ─ "拖"

5. 辭職的理由： A. 份工都唔就我，感覺唔開心
B. 成日加班，追唔到電視劇
C. 點解要我諗咁多嘢......
D. 點解要我做嘢喎......
(以下刪除，數千種千奇百怪的現象)

其實，工廠妹聘請的要求，十分簡單，但市場上的年輕人，就總欠缺點甚麼似的，一但遇上就好像如獲至寶一樣，以下為工廠妹與友人的結論：

1. 正常人一個 (待人接物)
2. 有條理 (做事有紋有路)
3. 有交帶 (肯承擔和重視承諾)

如果你已擁有以上的特質，恭喜哂，你已經跑贏好多在職人仕，仲會好搶手下添。 qq(^O^)pp