蝦子柚皮

昨晚，街坊Y-Duck，又有好嘢請工廠妹吃，今次是"蝦子柚皮"。

蝦子柚皮是一種傳統的餸菜，但由於工夫多，但用料較其他食材便宜(不能收得貴)，故一般的食店，通常不予提供是項美食。

工廠妹通常只有在蓮香樓才吃得到(好似幾十蚊一碟)，但曾聽友人茂利説，好像中環某名食肆有得吃，但收費好像七八十蚊才有六片八片左右(好貴呀)。

今次，是Y-Duck家嚴的老闆娘，親手弄的，柚皮靚夠多肉食沒渣，蝦子夠香，那濃汁卻夠味而不過咸，份足有半個柚皮的大小，最啱我這饞嘴的人。

最後，我先淨吃半份(冇錯，齋食都得)，留著半份，今晚打算淥個麵，干撈蝦子柚皮。哈哈！

P.S. 老友記如果想食，就真接問我取地埗，可以自行去那食店品嘗一番。

回魂啡與續命茶

終於有點秋意 26C 87%

回魂啡與續命茶，乃大部份港人的醒神良方，仲要藥到倦除。

話說MOL界學生妹肥呈，每日均飲用咖啡，特別係早起或考試前，以作回魂及強行"咪"書時使用，故肥呈命名為"回魂啡"。(呢個名真係一絕)

咁啱另一邊廂，山咔啦工廠的眾工友，因日以繼夜的拼搏，跑上跑落，東奔西走。許多時仲做over 12-hour，個個都做到上氣唔接下氣，為著要醒一醒神，工廠內的特設一台專售金罐咖啡機，受歡迎程度，是每兩日賣清，連有三聚氰胺都無有怕，需求量真係唔講得笑。

由於，不能單靠回魂啡，故許多工友，會賣檸茶、烏龍茶、甚至乎涼茶(因敖夜的關係)等，用來續命。

當中，工友Soe就每天定時到販賣機買茶，每日一支在手，就對工廠妹笑說，冇咗佢呢幾晚都唔知點捱，故工友Soe就定命為"續命茶"。

正所謂一支在手，仲要捱呀老友！

至於肥呈人仔細細，就要日日回魂。他朝一日，出來打工時，回魂幾巡過後，也不知是否再加續命茶，才得以繼續過日晨。

其實，這些高糖高咖啡因的飲品，無錯能產生一時的回魂續命之功效，但係請各位老友記，要記著"出得嚟行，預咗要還"。

因為，你正在問自己個肝借錢(透支)，日子有功，就要一舖清袋(肝病)。