大異國迷錄 - A貨搜記

大異國迷錄 - 多用途篇

今日，跟亞TA講開，由於近年老翻名牌商品肆虐，講到呢幾年都冇乜買名牌手袋，原因係唔想拿住個正牌貨出街，俾人估吓真定假之餘，又或者同假貨撞袋，仲要被人問下你個袋係邊度買，冒得好似喎，咁真係咩Mood都冇哂啦!

搞到要搵啲冷門或者唔HIT牌子買之餘，又要唔好有老翻出，一出老翻就情願收埋唔用好過用，一係就攞番啲舊款，冇乜人用冇翻版，先夠膽攞出街用死未吖!

點知亞TA仲抵死，佢話曾經見過一位老人家，揹住個超大Size的"LV"手袋，跟著那位婆婆走進一個街市(菜市場)，然後，將啲買完餸的魚呀菜呀肉呀，塞哂入個袋入便，其實，個袋係A貨，婆婆仲以為佢係BYOB，真鬼馬!!

亞TA牛一，Cake 一 Cake!!

今日又卅幾度，寫到好悶啦! 幾時先落雨喎!!


查實，真係好耐冇見過亞TA，諗起上次見面都已經係舊年的事。難得今日亞TA同MISAKI時間上配合到，抽空來我家一聚。


最衰呢個禮拜，忙到嘔，擺到都冇時間執吓間屋，好彩佢地都唔介意。正所謂三個靚女一個墟，不停講東講西又一Day，其實，我同亞TA早期職業相近，所以，次次都傾得好投契。

由於時間的關係，原本諗住訂個蛋糕俾佢，最後，都係今朝先走去買一個。好彩份量啱啱好，又幾好味，亞TA仲覺得佢幾靚添。在此謹祝佢心想事成，事事如意。

報告

冇嘢呀?? 卅五點五度??希望下週真係落下雨啦! m(_ _)m

講開做報告，今個星期除了有一晚是七點半收工外，其餘時間都係十點半才離開，搞到半夜三更才回家，唔夠瞓烏下烏下去返工(精神不足去上班)，又遲到。>,<

查實，老闆要求其中一份要每月一號交，有份重量級就七號前交，但我自己定下慣例係會早兩日交，我唔係扮勁(不是呈強)，而係要早啲俾(早點給)老闆過目，佢有咩唔Like，可以即時改改改，唔駛驚佢話冇足夠時間俾佢睇同改。因為，老闆的定義係，要佢完全OK收貨先算數。

初時，我的一位同事，都唔信老闆要求咁高，成日以為我吹毛求疵，後來，有一份Report俾佢"醒"足幾日，Reject咗十幾次，連自信心都無埋，死味，咁咪死地地去做囉。都係果句，有要求才有進步。