終於落大雨啦!

雨天，酷熱同雷暴警告同時生效!! 但係都有卅二度喎，唔明?!

今日，係我寫Blog以來，首次出現"雨天"，當然要搵佢(找他)做吓主角啦!

今早個例會，會議內容好快講完，反而講會議以外的其他工作仲耐(商討更久)，結果成十二點先蒲返出嚟。係山卡啦的工廠，咁晏梗係冇飯嗌啦(叫外賣的時間不足)! 於是乎，打俾KAKA問佢出唔出去吔飯(出不出去食午飯)，原來佢約咗法律部的兩位靚女-亞玲同小菲。

一夠鐘，我地四位靚女第一時間座到的士，就出咗市中心吃"咪走雞"，可能大家先前已想好吃怎麼，食完飯都係一點正。

本來小菲話想睇大口仔的文具，但係有好大好大舊黑雲係我地個頭殼頂，亞玲建議走頭(早點回去)，咁啱(剛巧)有部的士，我地好狼狽咁上咗車。上車冇耐(不多久)就開始落大雨，可能時間尚早的關係，啲老闆車仲未返(還未回到公司)，我地叫司機哥哥駛埋入停車場落車(下車)，就幸免做落湯雞(不用淋濕)嘞。

天氣涼爽一點，人也好像輕鬆一點...雖然，今日係月頭要趕Report! (^v^)