哈！工廠妹又係月頭玩失蹤，沒有更新我的旮旯，請恕工廠妹抬懶吧。就重點報導一下近況吧 ！
話說每逢月頭，係老闆開武林大會前夕，工廠妹梗係要做幾份功課啦，仲要準時喎，呢個亦都係例牌失蹤的原因。 :(
但係呢個十月初，仲要係山咔啦工廠大考前奏戰前夕，我居然破例放了幾日假。
可能知道月初會做到暈，心態上亦有點本(足卑)，適逢要考試，只好上課去和約下朋友，一改從前放假也在併的做法，遲早都要還呢句說話係真的，結果昨晚工作至凌晨二時許才回家。 :-O
國慶日 - 上課過後，便和鏡鏡去看看Eagle Eye(故事幾有趣，套戲都Okay)，隨後四出找股神的雪球，原來發售唔夠兩日，就買斷市，幸好於神經書店找到三本，還有得揀英版美版，最後梗係買最Cool的英版啦。
就係廣東道四圍走之際，剛巧遇到"窩輪公"，幫國慶日攞景兼贈慶，仲要著到送殯咁樣，真係玩嘢同衰格。不過，工廠妹反而慶幸是，香港仲係一個自由城市。
國慶的週末，節目還是上課和約會。但有點不同是，我和鏡鏡穿上短褲拖鞋，在狂風暴雨中，風雨不改地，和老友茂利一家三口(梗係有小狗亞BU份)，到西貢吃海鮮，食食吓我哋仲問食肆伙記，咁大雨會唔會海嘯，真係曳嘞。
由於，考試關係，特地請了一天雞脾假，休孖Days。
考試前夕，為了放鬆心情，去了卡啦屋企，其間，少不免講吓股票經，又咁啱有句歌詞好鬼貼而家個市況，"水漲 水退 難免起落數番"，應哂景。
最開心的是，今次遇到個好考官，雖然有點阻滯，但係考到啦!!
下午，仲約埋事頭婆Tea一Tea，當係預祝佢生日，希望佢真係身健康。:)
