嘩! 難得一日早歸，當然，下廚煮下嘢食啦!
今晚的晚餐，係我用雪櫃裡面的物資做的，煮咗番茄薯仔(紅柿子土豆)牛肉湯加意大利雲吞，同埋可樂雞翼。
我用番茄薯仔牛肉湯底，加入早前買的急凍意大利雲吞(Ravioli with Meat)，十分豐富美味。
可樂雞翼呢，就係較早前，一次午飯的時候， KAKA個亞大姐教我，於是乎我就膽粗粗走去試吓煮(嘗試煮一下)，估唔到真係幾易煮(料不到很易燒的一道菜)，同埋好好味。
可能， 可樂係一種強酸的東西， 經佢一煮， 啲肉呀肥膩感呀， 乜都鬆哂，最衰屋企冇檸檬同紅乾葱，如果有埋， 我諗重錦上添花 。
講真， 識我啲friend都知， 我晚餐好少食咁多嘢! 今次， 真係破哂規舉， 最衰家陣食到好飽， 想整杯"黑牛"都唔得!! :p'''
P.S. 黑牛 - 是可樂加朱古力雪糕(巧克力冰淇淋)
2 comments:
乜你用淨餘物資都可以煮得豐富過我去買送煮嗰啲既?!!
我平日收工收得夜，逄週末週日，就買定一些湯料，同埋一啲冰鮮的餸，放係雪櫃，其實，全部都係冰鮮料，意大利雲吞都係。
幾時出嚟食飯?
Post a Comment